İsrailin müdafiə naziri Yoav Qalant ABŞ dövlət katibi Antoni Blinkenlə görüşdə bildirib ki, yəhudi dövləti Fələstin HƏMAS-ın məhbus mübadiləsi razılaşması təklifinə cavabından sonra Qəzza zolağında quru əməliyyatını genişləndirməli və təklifin özündən imtina etməli olacaq. 

Oxu24.com  xəbər  verir  ki, bu barədə Axios portalı İsrail mənbəsinə istinadən xəbər verir.

“Cavab elə hazırlanıb ki, İsrail bunu rədd etsin. HƏMAS-ın mövqeyi münaqişənin davam etməsinə və qüvvələrimizin tezliklə Qəzzada daha çox yerə girməsinə gətirib çıxaracaq”, – portal Qalantın Blinkenə sözlərindən sitat gətirir.

Bundan əvvəl Həmas İsrailə Qəzza zolağında üç mərhələli atəşkəs planı təklif etmişdi. Razılaşma atəşkəs, əsirlərin mübadiləsi, həmçinin Qəzza zolağının yenidən qurulması və İsrail qoşunlarının Fələstin anklavından çıxarılmasını əhatə edirdi.

Sonradan məlum olub ki, İsrail hakimiyyəti HƏMAS-ın təklif etdiyi barışıq şərtlərini öyrənir.

Oktyabrın 7-də minlərlə silahlı Həmas tərəfdarının Qəzza zolağından İsrailə daxil olması, dinc əhaliyə hücum etməsi və 200-dən çox girovu qaçırması ilə Yaxın Şərqdə vəziyyət gərginləşib. Buna cavab olaraq İsrailin baş naziri Benyamin Netanyahu ölkənin müharibə vəziyyətində olduğunu bəyan edib. Girovların qaytarılması və HƏMAS-ın tamamilə məhv edilməsi üçün quru əməliyyatına başlanılıb.

Noyabrın 22-də İsrail və HƏMAS humanitar fasilə və bəzi girovların azad edilməsi barədə razılığa gəliblər. Atəşkəs həftəsi ərzində Həmas 110 girovu geri qaytarıb.

Bundan əvvəl Medvedev Yaxın Şərqdə yüz illik müharibə perspektivini açıqlamışdı.

Nigar