Azadlıq Radiosunun erməni xidməti Xankəndindən görün nələr çəkib - VİDEO

Qarabağın ermənilər yaşayan yerlərində bankomatların qarşısında növbələr yaranıb. Nağd pul problemləri olduğundan insanlar maaş və pensiyalarını bir dəfəyə çıxarda bilmirlər. 

Musavat.com xəbər verir ki, bu barədə "Azadlıq Radiosu"nun erməni xidməti reportaj hazırlayıb. 

Reportajda qeyd olunur ki, Xankəndidəki separatçı rejimin qoyduğu qaydaya görə hər kəs gündə bankomatdan 50 min dram (200 manat) pul çıxarda bilər. 

"Azadlıq Radiosu"nun erməni xidmətinin məlumatına görə, yanvarın 17-dən separatçı erməni rejiminin "talon rejimi"nə keçməsi gözlənilirdi, amma hələ ki, bunun nə vaxt başlayacağı ilə bağlı dəqiq məlumat yoxdur. Reportajda qeyd olunub ki, dambaşına 1 litr bitki yağı, 1 kq düyü, qarabaşaq yarması, makaron və şəkər veriləcək. 

Ətraflı videoda: