Azərbaycanda bir çox məşhurların oxuduğu universitet bu gün xarabalığa çevrilib - \"ABU\" DAN REPORTAJ

Bir vaxtların məşhur universiteti indi xarabalığa çevrilib.

Oxu24.com xəbər  verir  ki, söhbət "San-Mariona" adı ilə fəliyyətə başlayan,daha sonra Azərbaycan Beynəlxalq Universiteti (ABU) kimi davam edən universitetdən gedir.

1997-ci ildə Elşad Abdullayev tərəfindən əsası qoyulan universitet 2000-ci illərdə Azərbaycanın ən məşhur  təhsil ocaqlarından biri idi. Universitet həmin illərdə bu gün cəmiyyətdə tanına  bir sıra şəxsləri yetişdirdi. Misal üçün tanınmış aparıcı  Zaur Baxşəliyev  1998-ci ildə  həmin universitetin Jurnalistika Fakültəsinə daxil olub.Universitetin bu qədər məşhur olmasına baxmayaraq ciddi qanun pozuntusu və rüşvət halları ilə də tanınırdı.Bu  və digər səbəblərdən də  Azərbaycan Beynəlxalq Universitetinin (ABU) fəaliyyəti 2010-cu ildə dayandırıldı. Bununla bağlı 2010-cu il sentyabrın 1-də təhsil naziri Misir Mərdanov əmr imzalayıb.

O vaxtdan da Azərbaycanın ən böyük universitetlərindən biri olan ABU xarabalığa çevrildi. Onun rəhbəri Elşad Abdullayev hazırda Fransada yaşayır.

Oxu24.com ABU-nun bugünki vəziyyəti ilə bağlı  reportajı təqdim edir:

 

 

Müəllif:Hasib Kazımbəyli

Mətn:Miri Məcidli