Naxçıvan Muxtar Respublikası Ali Məclisinin sədri Vasif Talıbovun övladlarına aid olduğu iddia edilən daha bir neçə villanın peyk görüntüləri yayılıb.

Oxu24.com  xəbər verir ki, bununla bağlı məlumat sosial şəbəkələrdə yayılıb.

Bildirilir ki, villaların 2-si Gənclikdə (Milyonçular məhəlləsində), biri isə Nardaranda yerləşir.

Milyonçular məhəlləsində (207 saylı orta məktəbin yaxınlığında) yerləşən yanaşı villaların sahəsi 2,966 kv.m və 3.898 kv.m-dir. Nardaranda yerləşən dənizə açılan villanın sahəsi isə 11.872 kv.m-dir.

Qeyd edək ki, DTX Naxçıvanda antikorrupsiya əməliyyatları aparır. İndiyə qədər yüz milyonlarla manat həcmində korrupsiya faktı üzə çıxarılıb.