Azərbaycan ərazilərində müvəqqəti yerləşdirilən Rusyalı sülhməramlıları kontingentinin komandanı general mayor Andrey Volkov Azərbaycanın Müdafiə Nazirliyinin RF-nın sülhməramlıllarının rəsmi məlumatlarında Azərbaycan ərazilərinin adlarını uydurma erməni toponimoləri ilə qeyd etmsinə münasibət bildirib.

Rusyalı sülhməramlıları kontingentinin komandanı general mayor Andrey Volkov REAL TV-nin suallarını cavablandırıb.

General-mayor Andrey Volkov deyib:

“Bir daha buradan mən elan etmək istəyirəm ki, biz bütün toponimləri dəstəkləyirik. Biz Azərbaycan tərəfinin yer adlarını necə var elə də yazırıq.

Məsələn: yazırıq Xankəndi, yazırıq Ağdərə. Bizim generalştabın xəritələrində isə adlar sovet dövründən qalıb. Stepanakert, Mardakert yazılıb. Toponimlərə nə aiddirsə biz ona hörmət edərək Azərbaycanda necə səslənirsə elə də yazırıq.

Türkiyə-Rusiya Birgə Monitorinq Mərkəzində bütün sənədlərdə də yer adları Azərbaycan tərəfinin bizə göndərdiyi kimi yazılır. Rusiya Müdafiə Nazirliyinin saytında adlar başqa cür yazılır. Biz sülhməramlılar necə lazımdırsa, elə də yazırıq. Siz bizim sənədləri yoxlaya da bilərsiniz. Təəssüf ki, mən onlara görə cavab verə bilmərəm. Orada, hansınsa saytda səhv yazıla bilər. Biz necə lazımdırsa elə də yazırıq”.