İstanbulun Pendik rayonunda mübahisə etdiyi arvadını bıçaqlayaraq öldürən şəxs yaşadıqları evin 5-ci mərtəbəsindəki eyvandan özünü ataraq  intihar edib.

Oxu24.com Türkiyə mediasına istinadən xəbər verir  ki, 29 yaşlı Tülay Erşahin Yaşar saat 10:00 radələrində zəlzələ qurbanlarının ailəsini Adıyamandan İzmirə köçürdükdən sonra İstanbula qayıdıb.

Naməlum səbəbdən Tülay Erşahin Yaşarla həyat yoldaşı Murat Yaşar (34) arasında mübahisə düşüb.

Mübahisə böyüdükcə Murat Y. əvvəlcə həyat yoldaşını dəfələrlə bıçaqlayıb, daha sonra 5-ci mərtəbədəki evlərinin eyvanından ğzünü ataraq həyatına son qoyub. 

Həkim qrupları evdə  qadının bıçaqlandığını, eyvandan atılan kişinin isə öldüyünü müəyyən edib.

Pendikdə həyat yoldaşını öldürən şəxs özünü 5-ci mərtəbədən atıb

Faktla bağlı araşdırma aparılır.

Tərcümə: Aynurə Məcidova