Bakıda müzakirə: Bəyanat qəbul edilib

OXU24 TV

315

12.10.2026, 22:25

Xəbərlərimizi Google-da izləyin

Yeniliklərdən dərhal xəbərdar olun

Abunə ol

Dini dəyərlərin müdafiəsi pərdəsi altında Azərbaycanın dünyəvi dövlət modelini və təhsil sistemini hədəfə alıblar.

Oxu24.com xəbər verir ki, bu fikirləri Milli QHT Forumunun İdarə Heyətinin üzvü Zaur İbrahimli "Dezinformasiyaya qarşı ictimai həmrəylik: QHT-lərin milli dəyərlərin və ictimai məsuliyyətin qorunmasına töhfəsi" mövzusunda ictimai müzakirədə səsləndirib.

Onun sözlərinə görə, məqsəd Azərbaycanı seçdiyi müstəqil inkişaf yolundan döndərməkdir.

Azərbaycan nəinki regional, hətta qlobal geosiyasi və geoiqtisadi proseslərdə mühüm rol oynayan ölkələrdən biridir. Təbii ki, bu reallıq ölkəmizə qarşı qərəzli mövqedə olan müəyyən qüvvələri narahat edir. Son günlər müşahidə olunan ideoloji təxribatlar, sosial şəbəkələrdə və digər media platformalarında Azərbaycan əleyhinə, həqiqətləri təhrif edən təbliğatın aparılması da bunun bariz nümunəsidir. Bu fikirləri isə Dini Qurumlarla İş üzrə Dövlət Komitəsi yanında İctimai Şuranın sədri Elnur Mustafayev səsləndirib.

İlhaiyyatçı Tural İrfan isə bildirdi ki, Burda din və inanc əleyhinə heç bir məsələdən söhbət gedə bilməz. Bu dünyəvi dövlətin tələblərindən irəli gələn məcburi və dünyəvi təhsil sisteminin tələbidir ki, vahid geyim forması bərqərar olsun. Beynəlxalq aləmdə də, digər müəslman və qeyri müsəlman ölkələrində də bu var. Eyni zamanda digər sahənin mütəxəsissləri üçün də uniformalar, xüsusi formalar var, istər hərbi sahəddə, istər polis sistemində və yaxud digər sektorlarda.

Tədbirin sonunda dünyəvi təhsil sisteminin qorunması istiqamətində vətəndaş cəmiyyətinin birgə tövsiyələri səsləndirilib və müvafiq bəyanat qəbul edilib.

Xezerxeber.az mövzu ilə bağlı daha ətraflı videomaterialı təqdim edir.