Gəncədə göldə batan uşaq xilas edilib.
 
“Oxu24.com un APA-ya istinadən məlumatına görə, hadisə Heydər Əliyev park kompleksində yerləşən süni göldə baş verib.
 
Gölün kənarında oynayan 2010-cu il təvəllüdlü Səttarov Həsən Elvin oğlu ehtiyatsızlıq nəticəsində suya düşüb. Ərazidə olan polis əməkdaşları uşağı sudan çıxararaq xəstəxanaya çatdırıblar.
 
Tibbi yardım nəticəsində H. Səttarovun həyatını xilas etmək mümkün olub. Oxu24.com