Ötən gün Bakıda ölümlə nəticələnən yol-nəqliyyat hadisəsi baş verib.

Oxu24.com-un məlumatına görə, mopedlə yük avtomobilinin toqquşması nəticəsində ikitəkərli minik vasitəsinin sürücüsü hadisə yerindəcə keçinib.

Qəza Dərnəgül yolu ilə Baksol yolunun kəsişməsində baş verib. Mopedə ciddi ziyan dəyməsə də, yük avtomobilinə çırpılan sürücünün boynu qırılıb.

Hadisə barədə məlumat Motopro qrupunda yayılıb. İlkin məlumata görə, mopedin sürücüsü təcrübəsiz olub.

Qeyd edək ki, qəzada iştirak edən "Nama" motosikletinin mühhərik həcmi 50 kub santimetrdən az olduğuna görə yollarda idarə etmək üçün sürücülük vəsiqəsi tələb olunmur.