Azərbaycan Dövlət Pedaqoji Universitetinin (ADPU) Cəlilabad filialının tələbəsi Könül Ramin qızı Ağayeva vəfat edib.

Oxu24.com xəbər verir ki, bu barədə ADPU məlumat yayıb.

Bildirilib ki, o, universitetin “Azərbaycan dili və ədəbiyyatı müəllimliyi ixtisası”nın 4-cü tədris ilinin tələbəsi olub.

Qeyd edək ki, K.Ağayeva martın əvvəl itkin düşüb. Onun meyiti ötən gün axşam saatlarında Lənkəranda, Hacı Zeynalabdin Tağiyev küçəsi 1-ci döngədə yerləşən evin həyətində aşkarlanıb.