Bakı 28°C
USD - 1.7010
EUR - 1.9120
RUB - 0.026
90442
az

Avropa İttifaqı Azərbaycana 2 milyard avroyadək investisiya yatıracaq - PLAN

14:2207 İyun, 2023
641
İQTİSADİYYAT
  • A
Azərbaycan enerji mənbələrinin və nəqliyyat marşrutlarının diversifikasiyasında açar rolunu oynayır. Milli.Az Trend-ə istinadən bildirir ki, bu barədə Avropa İttifaqının (Aİ) yaydığı bəyanatda deyilir. Bəyanatda Azərbaycanın Aİ üçün mühüm tərəfdaş olduğu qeyd edilir. "Biz xüsusən energetika, islahatlar, ticarət və investisiyalar sahəsində məhsuldar əməkdaşlığımızın davam etdirilməsində və möhkəmlənməsində maraqlıyıq. Rabitəlilik və energetika Aİ-nin İqtisadi və İnvestisiya Planının əsas elementlərini təşkil edir. Planın məqsədi Azərbaycana 2 milyard avroyadək mühüm dövlət və özəl investisiyalarının cəlb olunmasından ibarətdir. Azərbaycan xüsusən Cənub Qaz Dəhlizi sayəsində rabitəliliyin təmin edilməsində, Avropanı Mərkəzi Asiya və onun hüdudlarından kənar ərazilərlə birləşdirən Orta Dəhlizin inkişafında, həmçinin enerji mənbələrinin və nəqliyyat marşrutlarının diversifikasiyasında açar rolunu oynayır. 2022-ci ilin iyul ayında Bakıda Enerji sahəsində Strateji Tərəfdaşlığa dair Anlaşma Memorandumu imzalanıb", - Aİ-nin bəyanatında deyilir. Ətraflı Bundan başqa, bəyanata əsasən, Aİ və Azərbaycan arasında yeni hərtərəfli saziş üzrə danışıqlar davam edir və Aİ onların ən qısa zamanda yekunlaşmasını təmin etməyə çalışır. Qeyd edək ki, strateji olaraq Avropa ilə Asiyanın kəsişməsində yerləşən ölkə olaraq Azərbaycan enerji sektorunda əsas iştirakçıya çevrilib. Böyük həcmdə təbii resurs ehtiyatlarına, xüsusən təbii qaz və neftə malik olan Azərbaycan enerji təhlükəsizliyinə və Avropa ölkələrinin diversifikasiya səylərinin reallaşdırılmasına imkan yaradan layihələri uğurla hazırlayaraq həyata keçirib. Diqqətəlayiq layihələrdən biri iri infrastruktur təşəbbüsü olan və Avropaya Xəzər qazının nəqlinə yönəlmiş Cənub Qaz Dəhlizidir. Dəhlizin əsasında Azərbaycanın "Şahdəniz" qaz yatağını Yunanıstan və Albaniya vasitəsilə İtaliya ilə birləşdirən Trans-Adriatik Boru Kəməri (TAP) flaqman layihəsi dayanır. Bu boru kəməri yeni tədarük marşrutu təqdim etməklə Avropada enerji mənbələrini diversifikasiyalaşdırır. Bundan başqa, Azərbaycan regionda nəqliyyat əlaqələrinin genişləndirilməsində fəal iştirak edir. Ölkə özünün nəqliyyat infrastrukturunun, o cümlədən avtomobil yollarının, dəmir yollarının və limanların modernizasiyası və genişləndirilməsinə vəsait ayırıb. Məsələn Bakı-Tbilisi-Qars dəmir yolu Azərbaycanı Gürcüstan və Türkiyə ilə birləşdirməklə Avropa və Asiya arasında yük və sərnişin daşımaları üçün həyati əhəmiyyətli kommunikasiya yaradır. Bu dəmir yolu marşrut boyu yerləşən ölkələr üçün ticarət imkanlarını əhəmiyyətli dərəcədə genişləndirərək regional inteqrasiyanı möhkəmlədib və iqtisadi artıma şərait yaradıb. Oxu24.com

ŞƏRHLƏR

BÖLMƏNİN ÇOX OXUNANLARI

Azərbaycanda elektrikli avtobusların istehsalına başlanılacaq
Yüksək faizli depozit kampaniyasının vaxtı uzadıldı
Azərbaycan Çinlə birgə istehsalat bazasının yaradılmasında maraqlıdır

İnsan hansı orqanlar olmadan yaşaya bilər? - TƏCCÜBLƏNƏCƏYİNİZ FAKTLAR

18+

Küçədə qadına söz atan məmuru bu hala saldılar (18+VİDEO)
Jurnalistlər belə vuruldu  -  ŞOK  VİDEO
Apreldə hansı qidaları yemək lazımdır? - SİYAHI
Oğuzda narkotiklərlə əlaqəli 2 nəfər saxlanılıb