Qonşularımızda dizel və benzin bahalaşdı: Azərbaycanda nə gözlənilir?   —  EKSPERT AÇIQLADI

Gürcüstan və Ermənistanda artım, Azərbaycanda da artım GÖZLƏNİLİRMİ?

Gürcüstan və Ermənistanda avtomobil yanacağının pərakəndə satış qiymətlərində fevral ayı ilə müqayisədə orta hesabla 20-25% artım qeydə alınıb.

Böyük Britaniyanın enerji bazarları üzrə ixtisaslaşmış “Argus” agentliyinin martın 23-nə olan məlumatına əsasən, hazırda yanacaq qiymətləri aşağıdakı kimidir:

• Aİ-92 – 1,06 ABŞ dolları (1,80 AZN)

• Aİ-95 – 1,14 ABŞ dolları (1,94 AZN)

• Aİ-98 – 1,35 ABŞ dolları (2,29 AZN)

• Dizel (Avro 5) – 1,19 ABŞ dolları (2,02 AZN)

• CNG – 0,67 ABŞ dolları (1,14 AZN)

Ermənistanda isə pərakəndə satış qiymətləri belədir:

• Aİ-92 – 1,27 ABŞ dolları

• Aİ-95 – 1,32 ABŞ dolları

• Dizel (Avro 5) – 1,38 ABŞ dolları

Azərbaycanda 2026-cı ilin əvvəlindən etibarən yanacaq qiymətləri aşağıdakı səviyyədə qalır:

• Aİ-92 – 1,15 AZN (təxminən 0,68 ABŞ dolları)

• Aİ-95 – 1,60 AZN (təxminən 0,94 ABŞ dolları)

• Aİ-98 – təxminən 2,30 AZN (təxminən 1,35 ABŞ dolları)

• Dizel – 1,10 AZN (təxminən 0,65 ABŞ dolları)

Bu göstəricilər region ölkələri arasında yanacaq qiymətlərində fərqli dinamikanın müşahidə olunduğunu göstərir.

Mövzu ilə bağlı neft sahəsi üzrə tanınmış ekspert İlham Şaban Oxu24.com-a açıqlamasında bildirib ki, Ermənistan və Gürcüstan yanacaq istehsalçısı olmadıqlarından onu 100% xarici bazardan almağa məcburdurlar.

Həmçinin oxuyun

Bu qurumlarda iş olmayacaq - SƏBƏB

Bu halda işini itirənlər dövlətdən pul alacaq    —   ŞƏRTLƏR VƏ QAYDASI

SON DƏQİQƏ! TƏBİB-ə  rəhbər təyin olundu

Orban getdi, Peter Madyar gəldi: Macarıstanda yeni hakimiyyət Azərbaycanın maraqlarına necə təsir edəcək?  —  TƏHLİL

“Ona görə də daxili bazarlarında qiymətin formalaşması birbaşa qlobal bazarlardakı qiymətdən asılıdır. Bundan əlavə, qiymətlərə daşıma xərcləri də təsir edir. Məsələn, İran müharibəsi başlayandan tankerlərin gündəlik icarə haqqı kiçik tutumlu gəmilər üçün 4 dəfə, böyük tutumlu tankerlər üçün 8-12 dəfə (daşıma coğrafiyasından və risk dərəcəsindən asılı olaraq) artıb”.

Ekspertin sözlərinə görə, Azərbaycanda yanacaq qiymətləri qlobal bazara bağlı deyil və dövlət tərəfindən tənzimləmə ilə (Tarif Şurasının çıxardığı qərarlarla) müəyyənləşdirilir:

“Bunun müsbət tərəfi odur ki, istehlakçılar dünya bazarında baş verənlərdən asılı olmayaraq sabit qiymətlə yanacaq alırlar. Mənfi tərəfi isə ona bağlanır ki, bizdə dövlət tərəfindən tənzimlənən yanacağın qiyməti heç zaman aşağıya yönəlmir, yalnız müəyyən dövrdən bir artımlar olur. Başqa bir tərəfi odur ki, bizdə yanacaqdolma məntəqələri arasında qiymət məsələsində heç bir rəqabət yoxdur (məsələn, heç kəs dövlət tərəfindən tənzimlənməyən yanacağın qiymətini belə 1 qəpik aşağı və ya yuxarı satmağa cəhd etmir, bu da xidmətin keyfiyyətini artırmağı tormozlayan amildir, müştəri uğrunda bazarda real mübarizə getmir”.

Çimnaz Telmanqızı