"İnter Mayami"nin hücumçusu Lionel Messi Barselonadakı həyatı üçün darıxır.

Oxu24.com xəbər verir ki, bu barədə "Relevo" məlumat yayıb.

37 yaşlı forvard ABŞ klubu ilə əmək müqaviləsini yeniləməyə tələsmir. Tərəflərin sözləşməsi 2025-ci ilin sonuna qədər nəzərdə tutulub.

Messi sabiq klubu “Barselona”nı öz evi hesab edir. O, karyerasını bitirdikdən sonra Barselonada yaşamaq niyyətindədir. Argentinalı futbolçunun ailəsi də şəhərə qayıtmağı prioritet hesab edir.

Qeyd edək ki, Messi 2000-ci ildən 2021-ci ilə kimi "Barselona" sistemində olub. O, əsas komandada 2004-cü ildə debüt edib. Bu müddət ərzində Messi 778 matça çıxıb, 672 qol vurub və 303 məhsuldar ötürmə verib.