San-Marinodan tarixi uğur- Onları Azərbaycan əvəzləyəcək?

San-Marino yığması ötən gün keçirilən Millətlər Liqası D qrupu matçında tarixi uğura imza atıb.

Oxu24.com xəbər verir ki, “cırtdan ölkə”nin yığması səfərdə Lixtenşteyn millisinə 3:1 hesabı ilə qalib gəlib. 

Bununla da onlar tarix yazıblar. San-Marino həm bir matçda 3 qol vurub, həm də qrupu lider kimi bitirib.

Əldə etdikləri nəticə ilə onlar C liqasına çıxmaq şansı qazanıblar. 

Maraqlıdır ki, D liqasını tərk edəcək San-Marinonun burda əvəz edəcək komanda Azərbaycan yığması ola bilər. 

Belə ki, bu gün Millətlər Liqasında qrupun son oyununa çıxacaq millimiz səfərdə İsveçlə üz-üzə gələcək. Əgər Azərbaycan yığması bu matçda qələbə qazanmasa, D liqasına yuvarlanacaq. Komandamız burada San-Marinonun boşaltdığı yeri dolduracaq.