Rusiya Ukraynanın enerji sektoruna yeni hücum dalğası hazırlayır - Britaniya Kəşfiyyatı

Böyük Britaniya Müdafiə Nazirliyi Rusiyanın ötən il olduğu kimi bu qışda da Ukraynanın enerji infrastrukturuna raket hücumları edəcəyini gözləyir.

 

Oxu24.com xəbər verir  ki,bu barədə Britaniya Müdafiə Nazirliyinin sentyabrın 16-da kəşfiyyat icmalında deyilir.

Britaniya kəşfiyyatı Rusiyanın 2022-ci ilin oktyabrından 2023-cü ilin martına qədər Ukraynanın enerji infrastrukturuna hücum etdiyini xatırladıb. Zərbələr üçün Rusiya Federasiyası əsasən Rusiya ərazisindən strateji təyyarələr tərəfindən buraxılan X-101 (AS-23 KODIAK) raketlərindən istifadə edib.

Açıq mənbələrdən əldə edilən məlumatlara istinadən departament, 2023-cü ilin aprelindən etibarən Rusiyanın havadan buraxılan qanadlı raketlərə daha az xərcləməyə başladığını, Rusiya liderlərinin isə bu cür silahların istehsal sürətinin artırılmasına yönəlmiş səyləri vurğuladığını vurğulayıb.

“Buna görə də Rusiya çox güman ki, havadan buraxılan qanadlı raketlərin əhəmiyyətli ehtiyatları yaratmağa qadirdir. Rusiyanın qışda yenidən Ukraynanın infrastruktur obyektlərinə qarşı bu silahları cəmləyəcəyi real ehtimalı var”, - deyə hesabatda bildirilir.

 

Müəllif: Nigar