İsraildə əhali etiraza başladı

İsraillilər baş nazir Binyamin Netanyahunun rəhbərlik etdiyi koalisiya hökumətinin məhkəmə hakimiyyətini məhdudlaşdıran nizamlanmasına etirazlarını davam etdiriblər.

 

OXU24.COM XƏBƏR VERİR ki,Netanyahunun başçılıq etdiyi ifrat sağçı koalisiya hökumətinin məhkəmə tənzimlənməsinə qarşı hər şənbə axşamları kütləvi nümayişlər keçirən israillilər etirazların 25-ci həftəsində yenidən ölkə daxilində meydanlara çıxıb.

 

İsrailin “Yediot Ahronot” qəzetinin internet saytında yer alan xəbərə görə, on minlərlə israilli başda Təl-Əviv, Hayfa və Birüssebi şəhərlərində olmaqla ölkənin bir çox nöqtəsində etiraz aksiyası keçirib.

 

Nümayişçilər Təl-Əvivin “Pələng” meydanına toplaşaraq, hökumətin məhkəmə hakimiyyətinin səlahiyyətlərini məhdudlaşdıran nizamnaməsinə qarşı nümayiş keçiriblər. Təl-Əvivdə toplaşan israillilər əllərində İsrail bayraqları və hökumət əleyhinə şüarlar səsləndiriblər. Nümayişdə İsrailin keçmiş baş naziri Ehud Barak da iştirak edib.

 

Nümayiş təşkilatçıları Kaplan Meydanına istinadən "məhkəmə nizamnaməsi" əleyhinə nümayişləri davam etdirmək üçün "Pələng Gücü" adlı birlik qurduqlarını açıqlayıblar.

Məhkəmə tənzimlənməsi təxirə salındı

Yanvarın 5-də İsrailin ədliyyə naziri Yariv Levin tərəfindən elan edilən məhkəmə islahatına Ali Məhkəmənin səlahiyyətlərinin məhdudlaşdırılması və hakim təyinatlarında söz sahibi olmaq kimi dəyişikliklər daxildir.

Martın 27-də Netanyahu ölkədə kütləvi etirazların və tətillərin artmasına səbəb olan məhkəmə qaydalarını təxirə saldığını elan etdi.

Baş nazir Benyamin Netanyahu 2023-2024-cü illər büdcəsinin keçən ay parlament tərəfindən qəbul edilməsindən sonra məhkəmə tənzimləməsini yenidən parlamentə gətirəcəklərini açıqlayıb.

 

Tərcümə: Nigar