Rusiya tank biatlonunu ləğv etdi.

Oxu24.com Rusiya KİV-inə  istinadən xəbər verir ki, Rusiya Ukraynadakı müharibə zamanı irimiqyaslı tank itkilərindən sonra 2023-cü ildə Beynəlxalq Ordu Oyunlarına (ArMI) ev sahibliyi etməkdən imtina edib.

İndi “Tank biatlonu”, “Aviadarts”, “At marafonu” və digər yarışları əhatə edən beynəlxalq oyunlar iki ildən bir keçiriləcək.

“Beynəlxalq Ordu Oyunlarının iki ildən bir keçirilməsi qərara alınıb. Müvafiq olaraq, builki yarışlar ləğv edilib, növbəti oyunlar 2024-cü ildə keçiriləcək”, - deyə mənbələrdən biri bildirib.

Digər mənbəyə görə, qərar bir neçə həftə əvvəl verilib və artıq müvafiq məlumatlar maraqlı tərəflərə çatdırılmağa başlayıb.

Tərcümə: Miri Məcidli