İran Hərbi Hava Qüvvələrinin pilotları Su-35 qırıcıları ilə bağlı təlimlərə başlayıblar.

Oxu24.com Türkiyə mediasına  istinadən xəbər  verir  ki,  bu  barədə  məlumatı  Türkiyə mənbələri yayıb.

Bundan əvvəl İran parlamentinin milli təhlükəsizlik və xarici siyasət komissiyasının üzvü Şəhriyar Heydəri bildirib ki, İran Rusiyadan Su-35 qırıcıları alıb və bu təyyarələrin təhvil verilməsi yazda gözlənilir.

Rusiyaya məxsus Su-35 təyyarələrinin 2022-ci ilin dekabrında İrana çatdırılması planlaşdırıldığını İsrailin i24news telekanalı Qərb mənbələrinə istinadən yaymışdı.

Telekanalın məlumatına görə, görünür, söhbət ABŞ-ın mane olduğu sövdələşmə çərçivəsində Rusiya tərəfinin Misir üçün istehsal etdiyi 24 ədəd Su-35 qırıcısının tədarükündən gedir.

Tərcümə: Miri Məcidli