Hollandiya Patriot sistemlərini Ukraynaya  verəcək

Hollandiya Ukraynaya "Patriot" hava hücumundan müdafiə sistemləri göndərəcək.

 

Oxu24.com  De Telegraaf -a istinadən xəbər verir ki, bu haqda  baş nazir Mark Rutte ABŞ prezidenti Co Baydenlə görüşdə bildirib, 

“Biz Almaniya və ABŞ-ın təşəbbüsünə qoşulmaq və Ukraynaya “Patriot” göndərmək niyyətindəyik. Söhbət bir  neçə hava hücumundan müdafiə sistemindən gedir və Kiyevin onları nə vaxt alacağı hələlik məlum deyil. Rutte   bunu Almaniya kansleri Olaf Şolzla telefonda müzakirə etdiyini bildirib. Bazar ertəsi də o, Ukrayna prezidenti Vladimir Zelenski ilə danışıb.

Hollandiyanın Almaniya və ABŞ ilə birlikdə Patriot sistemlərini Ukraynaya ötürməyi nəzərdən keçirməsi faktı daha əvvəl Bloomberg agentliyi vəziyyətlə tanış olan mənbələrə istinadən xəbər vermişdi. Onların sözlərinə görə, bu məsələ ilə bağlı yekun qərar yaxın vaxtlarda veriləcək.

ABŞ və Almaniya iki Patriot akkumulyatorunun Ukraynaya təhvil verildiyini daha əvvəl elan etmişdilər. Komplekslər Rusiyanın qanadlı və ballistik raketlərindən müdafiə etməyə imkan verəcək.

Ukrayna hərbçiləri lazımi təlim keçmək üçün artıq ABŞ-a gdib. Ukrayna Silahlı Qüvvələrinin Hərbi Hava Qüvvələri Komandanlığının mətbuat katibi Yuri İqnatın sözlərinə görə, “Patriot”un mənimsənilməsi bir neçə ay çəkəcək.

Öz növbəsində, Ukrayna prezidentinin aparatının rəhbərinin müşaviri Mixailo Podolyak hava hücumundan müdafiə sistemlərinin yazda döyüşlərə cəlb olunacağını bildirib.

 

Tərcümə: Miri Məcidli