Almaniya Polşada  hava hücumundan müdafiə sistemləri yerləşdirəcək

Dekabrın 13-də Almaniya “Patriot” hava hücumundan müdafiə sistemlərinin Polşaya təhvil verilməsi üçün hazırlıqlara başlayacaq.

Oxu24.com Ukrayna mətbuatına istinadən  xəbər verir ki, kəşfiyyat qrupu  mövqeləri müəyyən etmək üçün Polşaya gedəcək.

Hazırlıqların başlanması ilə bağlı məlumatı Almaniyanın təhlükəsizlik sahəsindəki mənbələr təsdiqləyib.

Ölkə ərazisində hava hücumundan müdafiə sistemlərinin yerləşdirilməsi üçün münasib mövqelər müəyyən edildikdən sonra üç hərbi hissənin yerləşdirilməsi planlaşdırılır.

Hava hücumundan müdafiə sisteminin yerləşdirilməsinin məqsədi NATO-nun şərq cinahında kritik infrastrukturu qorumaqdır. Bu məsələ ilə bağlı qərar Rusiyanın Ukraynanı kütləvi şəkildə atəşə tutması zamanı Polşa ərazisinə raketlərin düşməsi nəticəsində qəbul edilib.

Qeyd edək ki, Polşa hava hücumundan müdafiə sisteminin inteqrasiya olunmuş NATO sisteminin bir hissəsi olmasına baxmayaraq, silahların Ukraynaya ötürülməsinin tərəfdarı idi.

 

Tərcümə: Miri Məcidli