O, 13 yaşında çıxdığı Cəbrayılın hər qarışını elə uşaq vaxtı gördüyü kimi xatırlayır. Amma bilir ki, doğma eli viran qalıb.

Oxu24.com xəbər verir ki, AzTV Vətən müharibəsinə könüllü gedən 3 bacının bir qardaşı, qazi Xalid Gülməmmədovun evində olub.

X. Gülməmmədov bildirir ki, yuxusunda Cəbrayılda bayraq yeri dəyişib: "İndiki vaxtımı görmüşəm orada. Suqovuşanda tapşırığa gedirdik. Qabaqda mən gedirdim. Cığırın sağıyla qalxırdım. Sağ ayağım düşəndə yıxıldım. Yıxılan zaman kəlmeyi şəhadətimi dedim, amma ölmədim. Bildim ki, mina var, qışqırdım ki, gəlməyin. Özüm geri-geri çıxdım. Sonra yaxınlaşıb məni götürdülər. Əsas odur ki, zəfərdə mənim də xidmətim var".