Ermənilərin “pilotsuz tankı” gülüş doğurdu

 Ermənistanın KBX şirkəti "pilotsuz tank” yaratdığını iddia edib. Oxu24.com  xəbər verir ki, "tank” İrəvanda keçirilən "ArmHitec-2018” beynəlxaql silah və müdafiə texnologiyaları sərgisində təqdim edilib. Şirkətin nümayəndəsi David Nikoqosyan "pilotsuz tank da adlandırıla biləcək” özüyeriyən kiçik aparatın çəkisinin 200 kq, yükdaşıma qabiliyyətinin 300 kq olduğunu açıqlayıb. "Bu platform onun üzərinə nə quraşdıracağınızdan asılıdır. Məsələn, siz ona kamera quraşdırsanız, onu kəşfiyyat məqsədilə istifadə edə bilərsiniz. Əgər silah quraşdırsanız, onun vasitəsilə qarşısındakı hədəfi məhv edə bilərsiniz”, - şirkət nümayəndəsi deyib. Yeni yaratdıqları "pilotsuz tankın” elektrikli mühərriklə işlədiyini deyən Nikoqosyan bu qurğunun hələlik bütün testlərdən keçmədiyini deyib.

Həmçinin oxuyun

Diplom və attestatlar artıq ELEKTRON OLACAQ: Bizi hansı yeniliklər gözləyir? – Ekspert Açıqlayır  

Nazirlər Kabineti yeni qərar QƏBUL EDİB

Prezident sərəncam imzaladı 

Cəriməsi olan sürücülərə vacib xəbər: Sürücülük vəsiqəsi...

Ermənilərin "pilotsuz tank” dediyi qurğunu əslində tankdan başqa hər şeyə bənzətmək mümkündür. Belə ki, təqdim edilən "pilotsuz tank” dünyadakı analoji qurğuların heç birinə bənzəmir. Qabaritlərinə görə də "pilotsuz tank” deyilən bu qurğu daha çox bəzi çətin keçilən yerlərdən odun daşımağa yarayır. Qurğu kəşfiyyat üçün həddən artıq böyük, döyüş üçün çox kiçikdir. Ordunun robotlaşdırılması istiqamətində lider olan ABŞ, İsrail kimi ölkələr artıq bu qədər böyüklükdə qurğulardan kəşfiyyat üçün istifadə etmirlər. ABŞ-ın bunun üçün həcmi həddən artıq kiçik olan "Recon Scout” (1,3 kiloqram), "First Look 110” (2,5 kiloqram) və "Dragon Runner” kimi pilotsuz yeriyən aparatları mövcuddur. Görünür, ermənilər "pilotsuz tank” deyəndə pultla idarə olunan tırtıllı oyuncaqları nəzərdə tuturlar.