Şəhər  meri saxlanılıb

Rusiyada  hüquq-mühafizə orqanlarının əməkdaşları Kurqanın rəhbəri Yelena Sitnikovanı saxlayıblar.

 

Oxu24.com   xəbər  verir  ki,bu barədə Ura.ru nəşri mənbələrə istinadən xəbər verir.

 

"İstintaq Komitəsinin əməkdaşları şəhər rəhbəri Yelena Sitnikovanı ifadə vermək üçün saxlayıblar", - mənbələr nəşrə bildiriblər.

 

Sitnikovanın Rusiya İstintaq Komitəsinin Moskva şöbəsinin nümayəndələri tərəfindən saxlanıldığı iddia edilir.

 

Bu məlumat hələ ki, rəsmi təsdiqini tapmayıb.

 

1997-2018-ci illərdə Sitnikova Kurqan administrasiyasında müxtəlif vəzifələrdə, sonra şəhər rəhbərinin və Kurqan Şəhər Dumasının ofisində çalışıb. Daha sonra, 2018-ci ildə Sitnikova Ketovski rayonu rəhbərinin sosial siyasət üzrə birinci müavini, 2021-ci ildə isə Kurqanın rəhbəri olub.

 

Bundan əvvəl İnterpol əməkdaşları beynəlxalq axtarışda olan kriminal avtoritet və daha çox Vova Puxlı kimi tanınan qanun oğru Vladimir Jurakovskini Tanzaniyada saxlayıblar.

 

Müəllif: Nigar