ABŞ Rusiyada saxlanılan amerikalıların mübadiləsini üçüncü ölkələrlə müzakirə edir

ABŞ hakimiyyəti üçüncü ölkələrlə Rusiyada olan Amerika vətəndaşları Evan Qerşkoviç və Pol Uilanın dəyişdirilməsi imkanını müzakirə edir.

 

Oxu24.com CBS -yə istinadən xəbər verir ki, bu barədə Ağ Evin Milli Təhlükəsizlik Şurasının (MTŞ) mətbuat xidmətinin rəhbəri Adrienne Watson bəyanatında bildirib.

 

Bu məsələ ilə bağlı üçüncü ölkələrlə danışıqların davam etdiyi qeyd edilir.

 

"ABŞ Prezidenti Co Bayden üçün amerikalıları evə gətirməkdən daha yüksək prioritet yoxdur" deyə Watson bildirib.

 

Rəsmi həmçinin xatırladıb ki, ABŞ Dövlət Departamenti Uilan və Qerşkoviçlə bağlı Rusiyaya bir sıra təkliflərlə müraciət edib, onlardan biri Rusiya tərəfi tərəfindən rədd edilib.

 

Dekabrın 22-də Ağ Evin Milli Təhlükəsizlik Şurasının Strateji Kommunikasiyalar üzrə koordinatoru Con Kirbi bildirib ki, ABŞ Rusiyaya əsirlərin mübadiləsi ilə bağlı yeni təklif irəli sürmək imkanlarını araşdırır.

 

Bundan əvvəl Ağ Ev Rusiyada həbs edilən jurnalist Qerşkoviçin taleyini şərh edib.

 

Müəllif: Nigar