Britaniyaya məxsus hərbi gəmi Qayana sahillərinə yola düşəcək.

Oxu24.com  xəbər  verir  ki,bu barədə Financial Times qəzeti yazır.

Britaniya Müdafiə Nazirliyinin sözçüsü bildirib ki, Trent patrul gəmisi London tərəfindən Venesuelanın ərazi iddiaları ilə üzləşən keçmiş Britaniya koloniyasına dəstək nümayişi kimi Cənubi Amerikaya göndəriləcək.

Qəzetin yazdığına görə, top və pulemyotlarla silahlanmış Trent əsasən terrorla mübarizə təlimlərində istifadə olunur, həmçinin dəniz quldurluğu və qaçaqmalçılığın qarşısının alınması əməliyyatlarında iştirak edir.

Gəmi adətən Aralıq dənizində işləyir. Trent heyəti 65 nəfərdən ibarətdir. Gəmiyə helikopter də yerləşdirmək mümkündür.

Bundan əvvəl Venesuela prezidenti rusiyalı həmkarı Vladimir Putinlə telefon danışığı zamanı Essequibo regionu ətrafında vəziyyətlə bağlı Qayana prezidenti Məhəmməd İrfaan Əli ilə danışıqlar apardığını bəyan edib.

Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Rusiya Venesuela və Qayana prezidentləri arasında dialoqu alqışlayır və kənar müdaxilələrdən çəkinməyə çağırır.

Müəllif: Miri