İtkin düşmüş it 6 ildən sonra meşədə tapılıb

İngiltərədə maraqlı hadisə yaşanıb.

 

Oxu24.com  UPI-yə istinadən   yazır ki, evdən qaçan it 6 il sonra İngiltərədə tapılıb.

 

Bütün bu müddət ərzində ev heyvanı meşədə tək yaşayıb.

 

Heyvan yaşayış binalarının yaxınlığında peyda olanda könüllülər iti görüblər.

 

Yerli sakinlər ekspertlərə bildiriblər ki, it aqressiv deyil və özünü sakit aparır, ona görə də mütəmadi olaraq qidalandırırlar.

 

İt tutulandan sonra onun 6 il əvvəl sahiblərindən qaçdığı məlum olub. Bu, onun yeni evinə aparıldıqdan 24 saat sonra baş verib.

 

Lakin ev heyvanının tapıldığını öyrənən ailə şərait dəyişdiyi üçün onu geri ala bilməyəcəklərini bildiriblər. Ancaq heyvanla hər şeyin yaxşı olduğuna sevinirlər.

 

Heyvan hüquqları müdafiəçiləri itin yeni sahibləri tapılana qədər xüsusi sığınacaqda yaşayacağını bildiriblər.

 

Müəllif: Nigar