Rusiyada yumurta kəskin bahalaşıb

2023-cü il dekabrın 12-dən dekabrın 18-dək Rusiyada toyuq yumurtası 4,6% bahalaşıb.

 

Oxu24.com  xəbər  verir  ki, bu barədə Federal Dövlət Statistika Xidməti (Rosstat) məlumat yayıb.

 

"Toyuq yumurtasının qiyməti 4,6% artıb", - hesabatda deyilir.

 

Departamentin statistikasına görə, Rusiyanın 46 regionunda yumurtanın qiymətində 0,1-5,0%, 36 regionda 5,1-14,4% artım qeydə alınıb.

 

Yumurtanın maya dəyərinin azalması Tula vilayətində və Çukotkada qeydə alınıb - qiymətlər müvafiq olaraq 3,5% və 0,2% ucuzlaşıb. Xantı-Mansiysk Muxtar Dairəsində bu məhsulların qiymətləri dəyişməyib.

 

Xidmətin məlumatına görə, hesabat dövründə toyuq yumurtasının (4,6 faiz), meyvə-tərəvəzin (2,1 faiz), tualet kağızının (0,6 faiz) qiymətləri bahalaşıb. Eyni zamanda, toyuq ətinin (0,6%), şəkərin (0,5%), qarabaşaq yarmasının (0,3%) və ekonom sinif hava nəqliyyatının (1,3%) maya dəyəri ucuzlaşıb.

 

Bundan əvvəl Rosstat Rusiyada həftəlik inflyasiyanın əvvəlki analoji dövrdəki 0,2%-dən 0,18%-ə düşdüyünü bildirmişdi.

 

Müəllif: Miri