Polşada dövlət media rəhbərləri işdən çıxarılıb

Donald Tuskun rəhbərlik etdiyi Polşanın yeni avropayönlü hökuməti əvvəllər qərəzli və təbliğat aparmaqda ittiham olunan dövlət media rəhbərlərinin vəzifəsindən azad edildiyini açıqlayıb.

 

Söhbət dövlət televiziyası, radiosu və informasiya agentliklərinin sədrləri və direktorlar şuralarının kənarlaşdırılmasından gedir.

 

Polşanın Mədəniyyət Nazirliyi bəyanatında medianın qərəzsizliyinin bərpa olunmasının zəruriliyindən danışıb.

 

Mateusz Morawiecki-nin rəhbərlik etdiyi Qanun və Ədalət (PiS) partiyasının aliliyi dövründə dövlət mediası mütəmadi olaraq qərəzli xəbərlər yaymaqda, hökumətin təbliğatını yayımlamaqda və müxalifətə qarşı şifahi hücumlarda ittiham olunurdu.

 

Partiya rəhbərliyi müxalifət və qeyri-kommersiya təşkilatları tərəfindən müstəqil medianı sıxışdırmaq və söz azadlığını məhdudlaşdırmaq cəhdlərinə görə tənqid olunub.

 

Müəllif: Miri