Almaniya yüzlərlə rus milyonlarını müsadirə edir

Almaniya Baş Prokurorluğu Rusiyanın 720 milyon avrodan çox dəyərindəki aktivlərini müsadirə edərək büdcəyə keçirməyi planlaşdırır.

 

Oxu24.com  xəbər  verir  ki,müvafiq sorğu Frankfurt am Main məhkəməsinə təqdim edilib.

 

“Der Spiegel” əvvəlcə Prokurorluğun planları haqqında yazıb, sonra nəzarət agentliyinin özü bu məlumatı təsdiqləyib.

Söhbət Rusiya maliyyə qurumunun Frankfurt-Mayndə bankdakı hesabında sanksiyalar çərçivəsində dondurulmuş vəsaitdən gedir, Baş Prokurorluq bildirib ki, müsadirə tələbi sanksiyalardan yayınma cəhdi ilə bağlıdır. Nəzarət orqanı digər təfərrüatları açıqlamayıb.

 

“Der Spiegel” öz növbəsində yazır ki, 720 milyon avro Moskva Birjasının Milli Hesablaşma Depozitarına (NSD) yerləşdirdiyi vəsaitdir. NSD 2022-ci ilin iyununda sanksiyalara məruz qalıb.

 

Məhdudlaşdırıcı tədbirlərin elan edildiyi gün NSD nümayəndələri bu vəsaitləri JP Morgan-ın Almaniya bölməsindəki hesablardan Milli Klirinq Mərkəzinin - Moskva Birjasının bölməsi - Commerzbank-dakı hesablarına çıxarmağa çalışıblar.

 

Hər iki bank köçürməni həyata keçirməkdən imtina edib.

 

Almaniya Baş Prokurorluğu vəsaitlərin çıxarılması cəhdini sanksiyalardan yayınma kimi qiymətləndirir və bu, onun fikrincə, aktivlərin müsadirə edilməsi üçün formal əsas verir.

 

Müəllif: Nigar