Oxu24.com  Shamshyan.com portalına istinadən  xəbər verir ki, “Ararat”ın heyətində 1973-cü il futbol üzrə SSRİ çempionu Nikolay Kazaryan 77 yaşında İrəvanda vəfat edib.

Dekabrın 14-də keçmiş futbolçu ürək-ağciyər çatışmazlığı ilə yerli klinikaya aparılıb, o, 5 gün reanimasiya şöbəsində qalıb, bundan sonra həkimlər onun öldüyünü bildiriblər.

Kazaryan bütün peşəkar karyerasını  İrəvanda keçirib.

Futbolçu Ermənistan klubunda ümumilikdə 295 oyun keçirib və 67 qol vurub.

1973 və 1975-ci illərdə Qazaryan və klub SSRİ kubokunun qalibi olub, 1971 və 1976-cı illərdə Ararat ölkə çempionatında gümüş medallar qazanıb.

Futbolçu həm də SSRİ gənclər və olimpiya yığmalarına çağırılıb.

1992-1995-ci illərdə Qazaryan Ermənistan Futbol Federasiyasına rəhbərlik edib. 2007-ci ildə Ermənistanın əməkdar məşqçisi adına layiq görülüb.

Müəllif: Mri