Finlandiyanın baş naziri təhlükə ilə bağlı açıqlama yayıb

Finlandiyanın baş naziri Petteri Orpo bildirib ki, Rusiya ilə sərhədə qaçqın axını Finlandiya və Aİ-nin suverenliyinə hücumdur.

 

Oxu24.com  xəbər  verir  ki,bu barədə Yle məlumat yayıb.

 

"Bu, Finlandiya və Avropa İttifaqının suverenliyinə, sərhədlərimizə açıq hücumdur", deyə Orpo bildirib.

 

O qeyd edib ki, belə qaçqın axını Finlandiya üçün görünməmiş haldır. Lakin o, iddia edir ki, “bu, başqa ölkənin hakimiyyətinin iştirak etdiyi mütəşəkkil fəaliyyətdir”.

 

Bundan əvvəl Finlandiyanın Rusiya ilə sərhədi yenidən bağladığı məlum olub.

 

Vaalimaa və Niirala keçid məntəqələri açıldıqdan bir gün sonra, dekabrın 15-i axşam saatlarında fəaliyyətini dayandırıb.

 

Səbəb Finlandiya Daxili İşlər Nazirliyinin “xarici gücün təsiri” ilə əlaqələndirdiyi yenidən qaçqın axınıdır.

 

Dekabrın 16-da Finlandiya sərhədçiləri dövlətlər arasında sərhəd bağlandıqdan sonra Rusiya ilə ən böyük keçid məntəqəsi olan Vaalimaadakı vəziyyəti sakit adlandırıblar.

 

Jurnalist daha əvvəl Rusiya ilə sərhədin bağlanmasından sonra finlərin itirdiklərini danışmışdı.

 

Müəllif: Miri