Qırğızıstan ingilis hüquq sisteminin tətbiqi imkanlarını nəzərdən keçirir.

Oxu24.com  Sputnik Qırğızıstan-a istinadən  xəbər verir ki, bunu Bişkekdə keçirilən Xalq Qurultayında prezident Sadır Japarov deyib.

“Əgər biz beynəlxalq investisiya bazarına çıxmaq istəyiriksə, ingilis hüququnun tətbiqi çox zəruri addımdır”, - dövlət başçısı bildirib.

Onun sözlərinə görə, iri investorlar ilk növbədə ədalətli məhkəmənin olmasına diqqət yetirirlər. Qırğızıstan vətəndaşları ölkə iqtisadiyyatına sərmayə qoymağa münasibətini dəyişməli və investorları “torpaqlarımızı ələ keçirməyə çalışan” düşmən kimi görməməlidir.

İngilis hüquq sistemi Britaniya Birliyi ölkələrində, ABŞ, Yeni Zelandiya və Şimali İrlandiyada fəaliyyət göstərir. Bu gün Qırğızıstanda Roman-German hüquq sistemi fəaliyyət göstərir.

Müəllif:Afət