İran hökuməti 33 ölkə ilə viza rejimini birtərəfli qaydada ləğv etmək qərarına gəlib.

Oxu24.com ISNA -ya istinadən xəbər verir ki, bu qərar İranın Mədəni İrs, Turizm və Sənətkarlıq Nazirliyinin təklifi əsasında qəbul edilib.

Mədəni irs, turizm və sənətkarlıq nazirinin müavini Əli Əsgər Şalbafian bu qərarın məqsədəuyğunluğunu xarici valyutanın artırılması, xarici sərmayədarların, daha çox turistin cəlb edilməsi, vətəndaşlar və vizaların alınması prosedurunu sadələşdirməklə açıq qapı siyasətinin qəbulu ilə izah edib. 

Onun sözlərinə görə, 68 ölkənin ilkin siyahısından hökumət şurası 33 ölkənin daxil olduğu yekunu təsdiqləyib.

“Bu görünməmiş aksiyanın mədəniyyət, iqtisadi, sosial və turizm sektorlarında müsbət nəticələr verəcəyi gözlənilir. İran dünyanın müxtəlif ölkələri ilə qarşılıqlı əlaqədə olmaq, mədəni irsini, tərəqqisini nümayiş etdirmək və fəal diplomatiya ilə məşğul olmaq əzmindədir”.

İranın birtərəfli qaydada viza rejimini ləğv etdiyi ölkələr arasında MDB dövlətləri də var, xüsusən Özbəkistan, Qırğızıstan, Tacikistan, Rusiya və Belarus.

Eyni zamanda, İran nazirliyi hələlik vizaların ləğvi üçün son tarixi açıqlamayıb və bu ölkələrin vətəndaşlarının nə qədər müddətə İran ətrafında vizasız səyahət edə biləcəkləri də məlum deyil.

Müəllif: Nigar