Avropa Komissiyasının rəhbəri Ursula fon der Leyen bildirib ki, AK ilin sonuna qədər REPowerEU Avropa enerji proqramı çərçivəsində Polşaya 5 milyard avroluq ilkin maliyyə vəsaiti köçürmək istəyir.

Oxu24.com  xəbər  verir  ki,bu barədə RİA Novosti məlumat yayıb.

Bundan əvvəl Macarıstanın Baş naziri Viktor Orban demişdi ki, Aİ-nin Ukrayna ilə danışıqlara başlamaq qərarı macarlar üçün iqtisadi nəticələrlə təhdid edərsə, Budapeşt “əl əyləcini basacaq”.

Orban bildirib ki, Macarıstan lazım gələrsə, Ukraynanın Avropa Birliyinə qəbulunu dayandıra bilər, çünki bu məsələ ilə bağlı bir neçə dəfə səsvermə keçiriləcək.

Eyni zamanda, Orban Ukraynaya 50 milyard avro dəyərində uzunmüddətli büdcə yardımı proqramı ilə bağlı qərara veto qoyub.

Fransa Vətənpərvərlər Partiyasının rəhbəri Florian Filippot Macarıstanın Ukraynaya növbəti yardım paketini əngəlləmək qərarını dəstəkləyib.

Bundan əvvəl Niderlandın baş naziri ümid etdiyini bildirib ki, Macarıstanın vetosuna baxmayaraq, Avropa İttifaqı Ukraynaya kömək edəcək.

Müəllif: Nigar