Rusiyanın ABŞ-dakı səfirliyinin konsulluq şöbəsinin əməkdaşları tezliklə 40% ixtisar olunacaq ki, bu da onun işini xeyli çətinləşdirəcək.

Oxu24.com   xəbər  verir  ki,bu barədə TASS səfirliyin konsulluq şöbəsinin rəhbəri Nadejda Şumovaya istinadən məlumat yayıb.

“2024-cü ildə ABŞ-da konsulluq işi üçün şərait daha da pisləşəcək. 10 gün ərzində konsulluq idarəsi işçilərinin 40%-ni itirəcək”, - deyə o bildirib.

Onun sözlərinə görə, departament üçün ABŞ-ın ucqar bölgələrinə konsulluq səfərlərini və əsas işçilərin olmadığı müddətdə konsulluq şöbəsinin tam fəaliyyətini təmin etmək daha çətin olacaq.

O, ixtisarların Amerika tərəfinin tələbləri ilə bağlı olduğunu vurğulayıb.

Şumova qeyd edib ki, 2023-cü ildə o və həmkarları Vaşinqtondan kənarda altı konsulluq səfəri edib.

Bundan əvvəl bildirilmişdi ki, Rusiya Federasiyasının ABŞ-dakı səfiri Anatoli Antonov Amerika hakimiyyətindən Rusiya diplomatik mülkiyyətinə aid bütün obyektləri geri qaytarmağı tələb edib.

Bundan əvvəl ABŞ Rusiyanın “qırmızı xətlərinin” möhkəmliyini şübhə altına almışdı.

Müəllif: Miri