Çeçenistanın rəhbəri Ramzan Kadırov Quranı yandırmaqda ittiham edilərək həbs edilən Nikita Juraveli döyən 16 yaşlı oğlu Adamla bağlı insidenti şərh edib.

Oxu24.com  xəbər  verir  ki, Ramzan Kadırov  respublika sakinləri ilə canlı söhbət zamanı açıqlama verib.

“O, qərar verdi və onu hansı nəticələrin gözlədiyinə baxmayaraq, qəhrəmanlıq göstərdi”, - Kadırov bildirib.

Onun sözlərinə görə, oğlu  Adəm bütün canı və ürəyi ilə dövlətini dəstəkləyir və onu mükafatlandıran digər bölgələrin rəhbərləri də bunu başa düşürlər.

Kadırov Juravelin tövbəsi ilə bağlı sualı da cavablandırıb. Onun sözlərinə görə, həbs edilən şəxsin səmimiyyətinə inanmır.

“O, İslamı qəbul etmək istədiyini söylədi və üzr istədi. Təbii ki, hər şey mümkündür, İslamı qəbul edib daha yaxşı müsəlman ola bilər. Əgər insan səmimi qəlbdən üzr istəsə, biz onu bağışlamağa hazırıq. Beləliklə, mən onun gözlərində səmimiyyət görmədim”, -  deyə Kadırov vurğulayıb.

Juravelin döyülməsindən sonra Çeçenistan rəhbərinin oğlu bir sıra mükafatlara, o cümlədən Qaraçay-Çərkəz Respublikasına xidmətlərinə görə ordeni, Kabardin-Balkar Respublikasına xidmətlərinə görə ordeni, Çeçenistan Qəhrəmanı adı və medalı alıb. 

Kadırov sentyabrda Quranı yandırdığına görə saxlanılan Juravelin döyülməsinin videosunu yayıb.

“O, məni döydü və düzgün etdi. Üstəlik, hesab edirəm ki, hər hansı bir müqəddəs kitaba qəsd edən, o cümlədən onu nümayişkaranə şəkildə yandıran, bununla da böyük ölkəmizin on milyonlarla vətəndaşını incidən hər kəs ağır cəzasını almalıdır”, - deyə rayon rəhbəri daha sonra vurğulayıb.

Müəllif: Miri