HƏMAS liderləri gizli fəaliyyətə keçdilər

Ərəb auditoriyasına yayımlanan İsrailin Makan telekanalının məlumatına görə, HƏMAS hərəkatının liderləri qəflətən Qətəri tərk ediblər.

 

Oxu24.com  xəbər  verir  ki,bundan əvvəl İsrail Baş Təhlükəsizlik Xidmətinin (Şin Bet) rəhbəri Ronen Barın HƏMAS-ın zirvəsini xaricdə məhv edəcəyini  açıqlamışdı.

 

“Nazirlər Kabineti bizim qarşımıza məqsəd qoyub. Sadə dillə desək, HƏMAS-ı məhv etməkdir və biz bunu etməkdə qərarlıyıq. Bu, bizim Münhendir”, - deyə Bahr bildirib.

Şin Betin rəhbəri söz verib ki, İsrail kəşfiyyat xidmətləri Həmas liderlərini “hər yerdə: Qəzzada, Yəhudeyada və Samariyada, Livanda, Türkiyədə, Qətərdə, hər yerdə tapacaqlar. Bir neçə il çəkəcək, amma biz bunu etmək üçün orada olacağıq”.

Bundan əvvəl Fransanın “Le Figaro” qəzeti Qəzza zolağından girovların azad edilməsinə dair razılaşmanın bir hissəsi olaraq İsrailin Qətərdəki HƏMAS-ın yüksək rütbəli liderlərinə hücum etməyəcəyinə söz verdiyini yazıb. Daha sonra Britaniyanın “The Times” qəzeti İsrailin Qətərdə yaşayan Həmas liderlərini məhv etmək planlarından əl çəkmədiyini qeyd edib.

“The Times” İsrail kəşfiyyatındakı mənbəyə istinadən yazır ki, İsrail kəşfiyyat xidmətləri Həmas ilə girovların azad edilməsi ilə bağlı danışıqlar zamanı bu planları sadəcə olaraq təxirə salıb.

 

Dohadakı Makan telekanalının mənbələri bildirib ki, HƏMAS liderləri zənglərə cavab verməyi dayandırıb və telefonları söndürülüb. Mənbə iddia edir ki, İsmayıl Haniyə, Musa Əbu Mərzuk və HƏMAS-ın siyasi rəhbərliyinin bir neçə digər üzvlərinin Livan, Əlcəzairə və ya İrana köçməsi ehtimalını istisna etmək olmaz.

 

Müəllif: Miri