Makron qarşıdan gələn Aİ sammitinin Ukrayna üçün əhəmiyyətini qiymətləndirib

Fransa prezidenti Emmanuel Makron bildirib ki, Avropa İttifaqının (Aİ) Brüsseldə keçiriləcək sammiti Ukrayna və siyasi birliyə üzv olmaq üçün digər namizədlər üçün həlledici olacaq.

 

Oxu24.com  xəbər  verir  ki,onun sözlərini TASS yayıb.

 

“Biz Ukrayna, Gürcüstan, Moldova və Qərbi Balkanların bütün ölkələri ilə bağlı qərar verməliyik. Sabah keçiriləcək müzakirələr həlledici olacaq”, – Makron Sloveniyanın baş naziri Robert Qolob ilə görüşdən əvvəl deyib.

 

Bundan əvvəl Avropa Şurasının mətbuat xidməti Avropa Şurasının rəhbəri Çarlz Mişelin Aİ liderlərinə məktubuna istinad edərək bildirmişdi ki, Ukraynanın Avropa İttifaqına daxil olması və Kiyevə 2027-ci ilə qədər 50 milyard avro ayrılması müzakirə olunur. 14-15 dekabr tarixlərində keçiriləcək Aİ sammitinin gündəliyinə daxil edilib.

 

Sənəddə deyilir: “Biz Ukraynaya daimi, davamlı siyasi, maliyyə və hərbi yardım göstərməliyik, xüsusən də onun uzunmüddətli sabitliyi üçün 50 milyard avro ayırmağa razı olmalıyıq”.

 

Mişel Ukraynanın Aİ-yə daxil olması ilə bağlı danışıqların vacibliyini qeyd edib. Onun sözlərinə görə, bu mövzunun müzakirəsi lazımi siqnal verəcək və Kiyevi Avropa İttifaqına yaxınlaşdıracaq.

 

Bundan əvvəl Zelenskinin çətin AB sammiti gözlədiyi bildirilirdi.

 

Müəllif: Nigar