ABŞ-ın keçmiş prezidenti Donald Tramp KXDR ilə bağlı siyasətinə yenidən baxa bilər, o cümlədən Şimali Koreyaya nüvə silahlarını saxlamağa icazə vermək, həmçinin sanksiyaların ləğvi müqabilində nüvə proqramının dondurulmasını tələb etməkdir.

Oxu24.com   xəbər  verir  ki,bu barədə Amerikanın “Politico” qəzeti məlumatlı mənbələrə istinadən yazır.

“Tramp 2024-cü ildə qalib gələrsə, Şimali Koreyaya münasibətini yenidən nəzərdən keçirməyi düşünür.

Tramp Şimali Koreyaya nüvə silahlarını saxlamağa icazə vermək və rejiminə daha çox bomba istehsalını dayandırmaq üçün maliyyə stimulları təklif etmək planını nəzərdən keçirir”, - nəşr yazır.

Qəzetin mənbələri əlavə edib ki, Trampın düşündüyü ideyalardan biri də Şimali Koreyanı iqtisadi sanksiyalardan azad olmaq müqabilində nüvə proqramını dondurmağa və yeni silahlar hazırlamağı dayandırmağa təşviq etməkdir.

Qeyd edilir ki, bu cür strategiya Trampın KXDR ilə münasibətlərə dair keçmiş mövqeyindən kəskin şəkildə ayrılmasını və Trampın, nəşrin yazdığına görə, “qeyri-adi dostluq münasibətləri inkişaf etdirdiyi Şimali Koreya lideri Kim Çen Inla uyğunlaşmaya doğru keçidi qeyd edəcək. 

Hazırda “Politico” vurğulayır ki, ABŞ KXDR-in nüvəsizləşdirilməsi siyasətinə sadiqdir.

Nəşrin mənbələrinə görə, Trampın motivasiyası “faydasız silah danışıqlarına” vaxt itirmək deyil, əksinə, diqqətini Çinlə rəqabət aparmaq kimi daha böyük vəzifəyə yönəltməkdir.

Bundan əvvəl ABŞ-ın keçmiş prezidentinin oğlu kiçik Donald Tramp Ukraynanın rəhbəri Vladimir Zelenskinin Ukrayna münaqişəsinə son qoymaq üçün bütün Qərb vəsaitlərinin Kiyevə köçürülməsi tələbini kəskin tənqid edib.

Əvvəllər bildirilmişdi ki, keçmiş aparıcı Karlsonun Tramp dövründə ABŞ-ın vitse-prezidenti olmaq ehtimalına şübhəsi var.

Müəllif:Afət