Oxu24.com xəbər  verir  ki,Fransanın keçmiş prezidenti Nikola Sarkozi İspaniyanın “El Mundo” qəzetinə müsahibəsində deyib ki, Ukrayna Rusiya ilə Avropa arasında körpü rolunu oynamalı, NATO üzvü olmamalıdır.

Siyasətçi xatırladıb ki, o, prezidentliyi dövründə Ukrayna və Gürcüstanın NATO-ya daxil olmasına qarşı çıxıb.

Eks-prezidentin sözlərinə görə, Ukraynadakı münaqişə onun bu məsələyə baxışını dəyişməyib.

O, Kiyevin bloka üzvlüyünü “nəyin bahasına olursa olsun” qorumaq istəyini yanlış hesab edib.

"Ukraynanın çağırışı, əlbəttə ki, beynəlxalq ictimaiyyətdən çox güclü təhlükəsizlik zəmanəti ilə neytral ölkə olaraq qalmaq və yenidən Rusiya ilə Avropa arasında körpü olmağa çalışmaq olmalıdır", - Sarkozi deyib.

O, həmçinin Fransanın hazırkı lideri Emmanuel Makronun Moskva ilə dialoqu çox erkən bitirməsindən təəssüfləndiyini bildirib.

Oktyabrın 28-də NATO-nun Nüvə Siyasəti Direktorluğunun rəhbəri Cessika Koks qeyd edib ki, bütün tərəfdaşlar Ukraynanın NATO-ya daxil olmasının mümkünsüzlüyünü qəbul edirlər.

Noyabrın 23-də Ukraynanın baş nazirinin Avropa və Avro-Atlantika inteqrasiyası üzrə müavini Olqa Stefanişina bildirib ki, Ukraynanın Avropa İttifaqına daxil olması reallığa çevrilib, lakin onun NATO-ya daxil olması hələlik mümkün deyil.

Dekabrın 5-də ukraynalı deputat Aleksey Qonçarenko qeyd edib ki, Vaşinqton Avropa rəsmilərindən Ukraynanın NATO-ya daxil olması mövzusunu müzakirə etməyi dayandırmağı xahiş edib, ona görə də Kiyev üçün “NATO” olmayacaq.

Müəllif: Nigar