Britaniya iki hərbi gəmisini Ukraynaya təhvil verəcək

Böyük Britaniya Qara dənizdə təhlükəsizliyi yaxşılaşdırmaq üçün iki Sandaun sinifli minaaxtaran gəmisini Ukraynaya təhvil verəcək, ölkənin Müdafiə Nazirliyinin bəyanatında deyilir.

“Kral Hərbi Dəniz Qüvvələrinin iki minaaxtaran gəmisi dənizdə fəaliyyət göstərmək qabiliyyətini gücləndirmək üçün  Hərbi Dəniz Qüvvələrindən Ukrayna Silahlı Qüvvələrinə verilir”, - deyə məlumatda bildirilir.

 

Xüsusilə, London minaaxtaran gəmilərin təhvil verilməsi sayəsində Kiyevin Qara dəniz vasitəsilə Ukrayna məhsullarının ixracını artıra biləcəyini gözləyir.

 

Ukrayna gəmiləri Böyük Britaniyanın ixrac kredit agentliyi olan UK Export Finance vasitəsilə alacaq, Müdafiə Nazirliyi açıqlayıb.

 

Böyük Britaniya və Norveç həmçinin Ukraynanın dənizdə fəaliyyət qabiliyyətini gücləndirmək üçün Kiyevi gəmi və nəqliyyat vasitələri ilə təmin edəcək yeni dəniz koalisiyası yaradacaqlar.

 

Koalisiyaya daxil olan ölkələr də Qara dənizdə təhlükəsizliyi gücləndirmək üçün hərbi kadrların hazırlanması kimi Kiyevə uzunmüddətli dəstək verəcəklər.

 

Sandown sinfi minaaxtaran gəmilər sahil zolağının təmizlənməsi və daha böyük gəmilərin təhlükəsiz keçməsinə imkan verən mina əleyhinə gəmilərdir.

 

Onların yerdəyişməsi 600 ton, uzunluğu - 52,5 m, eni - 10,5 m.Bu minaaxtaranların uçuş məsafəsi 2,5 min mil (4,6 min km) təşkil edir. İlk minaaxtaran “Sandown” 1988-ci ildə suya salınıb, bir il sonra isə istismara verilib.

 

Müəllif: Afət