Filippin Cənubi Çin dənizindəki gəmilərlə bağlı vəziyyətə görə Çin səfirini çağırıb

Filippin, Çinin Cənubi Çin dənizində Filippin gəmilərinə qarşı "aqressiv" hərəkətlərinə görə Çinin Maniladakı səfirini çağırıb.

 

Oxu24.com  xəbər verir ki, bu barədə Filippin Xarici İşlər Nazirliyi məlumat yayıb.

 

Filippin Xarici İşlər Nazirliyinin sözçüsü Teresita Daza keçirdiyi mətbuat konfransında ölkənin sahil mühafizə gəmilərinin öz gəmilərinə qarşı su şırnaqlarından istifadə etməsinə görə Çinə diplomatik etiraz etdiyini bildirib.

 

Dekabrın 9-da Filippin Çini mübahisəli Skarboro rifi yaxınlığında üç Filippin gəmisinə su şırnaqları ilə hücum etməkdə ittiham etdi.

 

Dekabrın 10-da Çinin dəniz polisi departamenti Filippin gəmisini Cənubi Çin dənizindəki mübahisəli Spratli adaları yaxınlığında müntəzəm səfərdə olan Çin sahil mühafizə gəmisi ilə qəsdən toqquşmaqda ittiham edib.

 

Agentlik açıqlamasında bildirib ki, Çin sahil mühafizəsi “Filippin gəmilərinə qarşı qanuni nəzarət tədbirləri tətbiq edib”.

 

Bundan əvvəl ABŞ dövlət katibi bildirib ki, Rusiya və Çin hazırda planetdə “dünya nizamı üçün ən kəskin təhlükədir”.

 

Müəllif: Miri