Ukrayna Silahlı Qüvvələrinə (UAF) hərbi yardım ABŞ-ın milli təhlükəsizliyinə müdrik investisiya olmaqla yanaşı, Avropada mümkün daha böyük müharibənin qarşısının alınmasına töhfə olardı.

Oxu24.com  “Fox News”-a istinadən   xəbər verir ki, bunu Pentaqonun mətbuat katibinin müavini Sabrina Sinq deyib.

"Ukraynaya dəstəyi davam etdirə biləcəyimizi təmin etmək üçün Konqresin prezidentin əlavə milli təhlükəsizlik tələbini qəbul etməsi çox vacibdir", deyə Sinq bildirib.

Pentaqonun sözçüsü vurğulayıb ki, bu addım təkcə “Avropada böyük müharibənin” qarşısını almayacaq, həm də Amerikanın müdafiə sənayesi bazasını gücləndirəcək və ixtisaslı iş yerləri yaradacaq.

Dekabrın 7-də Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib ki, ABŞ Konqresin mövqeyi fonunda Ukraynaya yardımın davam etdirilməsi ilə bağlı heç bir təminat verə bilməz.

Bundan əvvəl ABŞ Ukrayna Silahlı Qüvvələrinin əks-hücum əməliyyatının iflasa uğradığını tanıyıb.

Müəllif:Afət