Norveçin artıq qaz gəlirləri Aİ-də qalmaqala səbəb olur

Qazın bahalaşması səbəbindən Norveç 2022-ci ildə rekord məbləğdə 120 milyard dollar qazanıb.

 

Oxu24.com  xəbər  verir  ki,bu barədə RİA Novosti Milli Enerji Təhlükəsizliyi Fondunun rəhbərinin müavini Aleksey Qrivaçın hesablamalarına istinadən  məlumat yayıb.

 

Nəşrin məlumatına görə, Aİ-nin Rusiya yanacağını qəbul etməkdən imtina etməsi səbəbindən Norveç 2019-cu il böhrandan əvvəlki dövrlə müqayisədə satışdan 31,3 milyard avro artıq mənfəət əldə edib.

Bu, ixracdan gələn gəlirin 27%-ni təşkil edir.

Yaşıllar Partiyasının lideri Arild Hermstad hesab edir ki, Oslo Ukrayna faciəsindən qazanır: “Norveçin başqasının bədbəxtliyi ilə varlanması utancvericidir. Hökumət norveçli olmağı utandırır”, - Hermstad bildirib.

Energetika naziri Terje Osland cavab verdi: guya tədarüklər Avropada qiymət artımlarını cilovlayıb. Eyni zamanda, müttəfiqlər üçün hər hansı qiymət tavanından söhbət getmir.

Qrivaç qeyd edir ki, Norveç biznesi praqmatik hərəkət edir.

“Bu, şəxsi deyil. Lakin Seymur Herşin Oslonun Şimal Axını partlayışlarında iştirakı ilə bağlı versiyasını nəzərə alsaq, gəlir başqa cür görünür”.

Ekspert hesablamalarına görə, Norveçin qaz gəliri 2018-ci ildəki 30 milyard dollardan 2022-ci ilin sonunda rekord həddə - 120 milyard dollara yüksəlib.

“Bu, hətta keçən illə müqayisədə artıq mənfəətdir. Söhbət əlavə 65 milyard dollardan gedir və 2019-cu ilin böhrandan əvvəlki dövrünü nəzərə alsaq, 100 milyard dollara qədər”, - Qrivaç qeyd edir.

Eyni zamanda, Aİ qiymət tavanı ilə bağlı razılığa gələ bilmir. Nəşr yazır ki, Almaniya və bir sıra digər ölkələr bazara müdaxiləyə qarşıdırlar.

Dünən məlum olub ki, Norveç Arktika şelfini inkişaf etdirməyi planlaşdırır.

 

Müəllif: Nigar