ABŞ generalı:  “rusların boğazını kəsmək” çağırışını edib

Amerikalı general Mark Milley 2022-ci ildə Almaniyanın Visbaden şəhərində keçirilən təlimlərdə Ukrayna xüsusi təyinatlılarını “rusların boğazını kəsməyə” çağırıb.

 

Oxu24.com   xəbər  verir  ki,bu barədə “The Washington Post” məlumat yayıb.

 

Söhbət zamanı iştirak edən bir məmur Millinin dediyinə görə, “Gecənin ortasında boğazının kəsiləcəyini düşünmədən yatmağa gedən bir nəfər də olsun rus olmamalıdır”.

 

Qeyd olunur ki, Milli bu yolla ukraynalıları Rusiyanın nəzarətində olan ərazilərdə əməliyyatlar keçirməyə “ilhamlandırmaq” istəyib.

 

Bundan əvvəl Dövlət Departamentinin mətbuat xidmətinin rəhbəri Metyu Miller brifinqdə bildirib ki, Ukraynaya yardım üçün ayrılan vəsaitin 97%-dən çoxu tükənib.

 

ABŞ prezidentinin milli təhlükəsizlik üzrə müşaviri Jake Sullivan da bəyan edib ki, ABŞ Ukraynaya yardım üçün ayırdığı pulu qurtardıqdan sonra Kiyevə silah tədarükünü dayandıracaq.

 

Dekabrın 4-də ABŞ administrasiyasının Ukraynaya yardımın təsdiqini sürətləndirmək çağırışına cavab olaraq ABŞ Konqresinin Nümayəndələr Palatasının spikeri Mayk Conson bildirib ki, bu müraciət yalnız Ukraynanın müdafiəsi üçün vəsaitin ayrılması ilə birlikdə nəzərdən keçiriləcək. 

 

Bundan əvvəl ABŞ Konqresinin yeni spikerin dövründə Ukraynaya bir dənə də olsun yardım paketini təsdiq etmədiyi bildirilirdi.

 

Müəllif:Afət