İran və Rusiya arasında birgə bəyannamə ABŞ və tərəfdaşlarının tətbiq etdiyi sanksiyaların aradan qaldırılmasına kömək edəcək.

Oxu24.com  xəbər  verir  ki,bunu Rusiyanın xarici işlər naziri Sergey Lavrov iranlı həmkarı Hüseyn Əmir Abdullahyanla danışıqları zamanı deyib.

“Biz indicə birtərəfli məcburetmə tədbirlərinin mənfi nəticələrinin qarşısının alınması, yumşaldılması və kompensasiya edilməsi yolları və vasitələri haqqında bəyannamə imzaladıq.

Təbii ki, bu, ABŞ və müttəfiqlərinin diplomatiyanı əvəzlədiyi qeyri-qanuni sanksiyaların aradan qaldırılması üçün dünya birliyi üzvlərinin səylərinin koordinasiyasının artırılması istiqamətində mühüm addımdır”, - TASS Rusiya XİN rəhbərindən sitat gətirib.

Rusiya Federasiyası ilə İran arasında danışıqlar dekabrın 5-də Xəzəryanı dövlətlərin - Azərbaycan, İran, Qazaxıstan və Türkmənistanın xarici işlər nazirləri ilə görüş çərçivəsində baş tutub. İran və Rusiya tərəflərinin nümayəndələrinin imzaladığı sənəd “Rusiya Federasiyası və İran İslam Respublikasının birtərəfli məcburetmə tədbirlərinin mənfi nəticələrinə qarşı mübarizə, yumşaldılma və kompensasiya yolları və vasitələri haqqında Bəyannaməsi” adlanır.

Xəzəryanı ölkələrin nazirləri ilə eyni görüşdə Sergey Lavrov, onun fikrincə, dövlətlərin qarşılıqlı fəaliyyətini gücləndirəcək Xəzər Şurasının yaradılmasını təklif edib.

Bundan əvvəl İran prezidentinin bu həftə Rusiyaya səfər edəcəyi məlum olub.

Müəllif: Miri