Moskvaya  rekord  dərəcədə  şaxta olacaq

Cari həftə ərzində Moskvada havanın temperaturu azalacaq və cümə gününə qədər mənfi 20 dərəcəyə çatacaq, bazar ertəsi, dekabrın 4-də “İzvestiya”ya “Meteo” proqnozlar mərkəzinin rəhbəri Aleksandr Şuvalov bildirib.

 

Oxu24.com xəbər  verir  ki,onun sözlərinə görə, dekabrda analoji temperatur son 11 ildə ilk dəfə Rusiya paytaxtında müşahidə olunacaq.

 

Şuvalov bildirib ki, çərşənbə axşamı yüngül qar yağacağı, gündüz temperaturun 10 dərəcə şaxta olacağı gözlənilir.

 

Bundan sonra həftənin sonuna qədər yağıntı gözlənilmir.

 

 

"Havanın temperaturu daha da enəcək. Çərşənbə günü gündüz mənfi 12, gecə isə mənfi 17. Cümə axşamı gündüz mənfi 14, gecə mənfi 17. Cümə günü havanın temperaturu gündüz mənfi 14 dərəcə təşkil edəcək. gündüz mənfi 16, gecə isə mənfi 20 dərəcəyə enəcək”, - deyə mütəxəssis bildirib.

 

O əlavə edib ki, dekabrda Moskvada sonuncu dəfə 20 dərəcə şaxta 2012-ci ildə müşahidə olunub. Bundan əlavə, qar örtüyünün hündürlüyü də bütün meteoroloji müşahidələr tarixində rekord vurdu.

 

Daha əvvəl bildirilmişdi ki, bazar günü, dekabrın 3-də paytaxtı bürümüş qar son 145 ilin ən güclü qarıdır.

 

Ümumilikdə Moskvada qarla mübarizəyə 18 mindən çox müxtəlif xüsusi texnika və 135 mindən çox insan göndərilib. Bunlar təkcə kommunal işçilər deyil, həm də qaz xidməti və su təsərrüfatı mütəxəssisləridir.

 

Müəllif:Afət