Çin-Avropa İttifaqı ikitərəfli sammiti dekabrın 7-də Pekində keçiriləcək.

 

Oxu24.com   xəbər verir ki, bu barədə Çin Xarici İşlər Nazirliyinin rəsmi nümayəndəsi Hua Çunyin məlumat verib.

 

Tədbirdə Çinin Baş naziri Li Qiang, Avropa Komissiyasının sədri Ursula fon der Leyen və Avropa Şurasının sədri Şarl Mişel iştirak edəcək.

 

Çin Xarici İşlər Nazirliyinin nümayəndəsi dəqiqləşdirib ki, sonuncu Çin sədri Si Cinpinlə də görüş keçirəcək.

 

Bundan əvvəl Çinin xarici işlər nazirinin müavini Sun Veydonq Çinin Çin-Aİ sammitinə hazırlıq çərçivəsində Avropa İttifaqı ilə koordinasiyanı gücləndirməyə hazır olduğunu açıqlamışdı.

 

Çin nümayəndəsi həmçinin qeyd edib ki, Çin və Avropa İttifaqı arasında münasibətlər həm yeni imkanlar, həm də yeni çağırışlarla üz-üzədir.

 

Nazir müavini qarşılıqlı faydanın qorunub saxlanılmasının və bir-birinin əsas maraqlarına hörmət edilməsinin vacibliyini vurğulayıb.

 

Bundan əvvəl “Bloomberg” mənbələrə istinadən dekabrın 7-8-də Çində Avropa İttifaqı ilə Çin arasında təkbətək sammit keçirməyi planlaşdırdığını bildirmişdi.

 

Bununla belə, Pekin hələlik Avropa Komissiyasının rəhbəri Ursula fon der Leyen və Avropa Şurasının rəhbəri Şarl Mişelin iştirak etmək niyyətində olduqları görüşün tarixini və yerini təsdiq etməyib.

 

Bundan əvvəl Avropa Komissiyasının rəhbəri Ursula fon der Leyen bildirmişdi ki, Çinin Ukraynadakı münaqişə ilə bağlı mövqeyi onun Avropa İttifaqı ilə gələcək münasibətlərini müəyyən edəcək.

 

Müəllif:Afət

 

Oxu24.com