İsrail radikal Fələstinin HƏMAS hərəkatının rəhbərliyini aradan götürmək niyyətindədir və ABŞ bu yanaşmanı faydalı taktika hesab edir.

Oxu24.com  xəbər  verir  ki, Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi NBC telekanalına bildirib.

O, rəhbərliyin aradan qaldırılmasının "(HƏMAS-ın) əməliyyatlar aparmaq qabiliyyətinə zərərli təsir göstərəcəyini" deyib. “İsrailin diqqət mərkəzində olan şey budur. Biz bunun faydalı bir taktika olduğunu düşünürük”, – Kirbi bildirib.

Vaşinqtonun İsrailin HƏMAS-ı məhv etmək məqsədinin real olduğuna inanıb-inanmaması ilə bağlı suala Ağ Evin sözçüsü belə cavab verib: “Biz təcrübədən bilirik ki, siz həmişə bir ideologiyanı məhv edə bilməzsiniz, lakin şübhəsiz ki, qrupun əməliyyatlar aparmasını, təlim keçməsini çətinləşdirə bilərsiniz."

Təbii ki, onların maliyyə mənbələrini də aradan qaldırmaq lazımdır və biz HƏMAS-ın özünə qarşı sanksiyalar tətbiq etmişik”.

Müəllif: Nigar