Viskonsin ştatından respublikaçı senator Ron Conson bildirib ki, Rusiya ilə Ukrayna arasında münaqişə danışıqlar yolu ilə bitəcək və Moskva nüvə silahının mövcudluğuna görə uduzmayacaq.

Oxu24.com   xəbər  verir  ki,onun sözlərini The Hill sitat gətirir.

"Bu müharibəyə son qoymağın yeganə yolu danışıqlar yolu ilə həll yoludur", deyə  Conson bildirib.

O vurğulayıb ki, qarşıdurma zamanı hər iki tərəf ciddi itkilər verir və Ukraynanın böyük hissəsi məhv edilə bilər.

Buna görə də, Moskva və Kiyev “danışıqlar yolu ilə nizamlanmaya nə qədər tez nail olsalar, bir o qədər yaxşıdır”.

Conson Rusiyanın münaqişədə, o cümlədən nüvə silahının mövcudluğuna görə məğlub ola bilməyəcəyi fikrini ifadə edib.

O, həmçinin qeyd edib ki, “bu reallığı sevmir, amma bu, doğrudur”.

“Bu müharibə bitməlidir... Nəticəni bəyənməyəcəyik, amma hər gün nəticəni daha az bəyənəcəyik”, - deyə senator yekunlaşdırıb.

Bundan əvvəl İrlandiyanın Kork Universitet Kollecinin müasir tarix professoru Geoffrey Roberts Ukrayna prezidenti Vladimir Zelenski və onun Qərbdəki müttəfiqlərinin Rusiyanın bütün şərtlərini qəbul etməyə məcbur olacaqlarını bildirmişdi.

Bundan əvvəl Herş Rusiya Federasiyası ilə Ukrayna arasında gizli danışıqlardan danışıb.

Müəllif:Afət